ನಿನ್ನೆ ಗಳಿಸಿದ ಸೊನ್ನೆ
ಅಡ್ಡ ಬಂದ ಹಳ್ಳ ದಿನ್ನೆ
ಇಂದು ನಮ್ಮ ಮೇಲೆತ್ತಿರುವ ಸನ್ನೆ
ಅದೆಷ್ಟೋ ವ್ಯರ್ಥ ಹೊತ್ತು ಕಳೆದದ್ದುಂಟು
ಇಂದಿಗೋ ಅದು ಅನುಭವಗಳ ಗಂಟು
ಅಂದು ಹಳಿದವನೇ ಇಂದು ಹೊಗಳುತಿರುವನು
ಅಂದು ತುಳಿದವನೆ ಇಂದು ಅಚ್ಚರಿ ಪಡುತಿರುವನು
ನಮ್ಮ ನಿನ್ನೆಗಳು ಇಂದಿಗಾಗಿ
ವರ್ತಮಾನ ಭವಿಷ್ಯಕ್ಕಾಗಿ

ನನ್ನಳೊಗಿನ ಕುಡುಕ
ಕೆಲವೊಮ್ಮೆ ಕವಿ
ಮತ್ತೊಮ್ಮೆ ಬುದ್ದಿ ಜೀವಿ..

ನನ್ನಳೊಗಿನ ಕುಡುಕ
ಆಗುತ್ತಾನೆ ತತ್ವ ಜ್ಞಾನಿ
ವಿಶಿಷ್ಟ ಯೋಚನೆಗಳ ವಿಜ್ಞಾನಿ...

ನನ್ನಳೊಗಿನ ಕುಡುಕ
ತಿರುಗಾಟ ಬಯಸುವ ಅಲೆಮಾರಿ
ಒಂದ್ಹೆಜ್ಜೆ ಮುಂದಿಡಲೂ ಬೇಡದ ಸೋಮಾರಿ...

ನನ್ನಳೊಗಿನ ಕುಡುಕ
ಒಬ್ಬ ಅಪ್ಪಟ ಪ್ರೇಮಿ
ನೈತಿಕತೆಯ ಅರಿವೇ ಇಲ್ಲದ ಕಾಮಿ...

ನನ್ನಳೊಗಿನ ಕುಡುಕ
ಅವನಿಗದೆಷ್ಟು ಮುಖ
ನನಗೊಂದೆ ದು:ಖ
ನನಗಿಲ್ಲದೆ ಹೋಯಿತೆ ಅವನಿಗಿರುವ ಸುಖ..